MR. TOURISM UNIVERSE PHILIPPINES-ZAMBOANGA SIBUGAY NAKIGHIMAMAT SA MAYOR SA IPIL

Thata Manlapaz

Atol sa gipahigayon nga courtesy visit ngadto sa Lokal nga Panggamhanan sa Ipil, si Mr. Brian Roi C. Casia nakighimamat ngadto kang Mayor Ramses Troy “Rambo” D. Olegario aron personal nga magpaila isip opisyal nga representante sa Zamboanga Sibugay alang sa Mister Tourism Universe Philippines 2025. Si Brian Roi C. Casia usa ka 20-anyos ug kasamtangan nga estudyante isip 3rd year sa Bachelor of Science in Civil Engineering.

Ang adbokasiya ni Casia nagpunting sa pagpalambo sa malungtarun nga agrikultura ug pagpalig-on sa kabatan-onan aron nga mamahimong aktibong kabahin sa kausaban ug kalambuan sa atong probinsya.

Alang kang Brian, ang tinuod nga liderato dili sukod sa gahum, apan sa kasingkasing sa pag-alagad, pagpaminaw sa uban, ug paglihok alang sa kaayuhan sa tanan. Kini nga pagbisita nagpamatuod sa suporta sa LGU-Ipil ug sa mga

lider niini sa mga kabatan-onang nagapadayag sa talento, kumpiyansa, ug gugma sa probinsya. Usa ka garbo alang sa Zamboanga Sibugay nga adunay sama kang Brian nga mudala sa ngalan ug dungog sa lalawigan ngadto sa nasudnong kompetisyon.

Gikatakdang ipahigayon ang coronation night sa Mr. Tourism Philippines 2025 karong Nobyembre 15, 2025,alas-7:30 sa gabii sa Capiz Gym Villareal Stadium, Roxas City, Capiz.