"WALA MOY 100K" TUESDAY VARGAS, MINGSUKOL SA BASHERS HUMAN KINING NAG-HOST SA BINGO EVENT

Thata Manlapaz

Ipil, Zamboanga Sibugay- Gisaway ug gipakaulawan sa social media ang komedyante ug host nga si Tuesday Vargas human siyang nag-host sa usa ka bingo event. Adunay pipila ka netizens nga nanglibak ug nanghusga sa iyahang trabaho, nga murag ila kining gikamenusan.

Hinuon wala magpaapekto si Vargas ug diretsong mitubag sa iyahang mga kritiko. Sa iyahang mensahe, gipadayag niya nga wala siyay ikaulaw sa iyahang trabaho ug giingon nga ang pagpaningkamot para sa pamilya usa ka butang nga angay ipasigarbo ug dili ikaulaw.

Matud pa niya, usa siya ka inahan nga naningkamot para sa iyahang pamilya, ug bisan unsa pa ang klase sa trabaho basta desente, limpyo ug adunay dignidad. Sa iyahang tubag sa mga bashers, niingon siya “Nanay ako… kaya kayo na pinagtatawanan ako… WALA KAYONG 100k!”, usa ka linya nga nagpasabot nga mas dako pa iyahang kinitaan kaysa sa mga nanglibak kaniya. Gipasabot usab ni Vargas nga ang bingo hosting dili bag-o alang kaniya kay kini ang iyahang unang trabaho kaniadto pa sa kolehiyo nga nakatabang sa iyahang gastuhunon sa eskwela.

Para kaniya, walay “gamay” nga trabaho basta kini matarong ug makatabang sa kinabuhi. Dugang pa niya, dili angay ikaulaw ang pagpaningkamot ug pagpanginabuhi, ug mas importante ang pagpanarbaho kaysa sa magpabilin sa garbo o kaulaw. Gipahinumduman niini ang tanan nga ang trabaho, bisan unsa pa, basta limpyo angay respetuhon.