Gikan sa Kabus, Gikawat sa Kulos
Tulay sa kahanginan nitumaw wa gyud tagad nahuman paghimo Nindot pagka-plano kay ang entrance ug exit, sa karsada man diretso Aw tinuod, solusyon gyud diay sa traffic nga proyekto kini amigo Kay ug dunay manga-ligsan dinha, di na man motabok ang mga tawo.
Ghost flood control projects maoy gikagubtan didto sa kongreso Dinhi makita ra ang tulay pero trabaho murag wa nagkadimao Grabe ka-paspas ang trabaho panahon singabot sa piniliay Human sa eleksyon trabahante nagka-gamay, trabaho nagka-hinay.
Apan yuna pa, dili kaha sa mga isyu naapektaran and municipyo Napagya man gud tungod kay dunay taga dpwh nikanta sa senado Nindot ra bag tonada ke naapil ang ilang ante nga kuno gwapa Saba diha - nga nisibat na man gani ke kuno na-isyu sa politika
Unsang pulitika gud uroy nga ang isyu sihag man kaayo Baga pa ilang nawong kaysa flood control nga semento Mao na diha kay kun maka-estorya gikan gud daw sa kabus Hastang pagka-unsaa kay gikawat man sa kulos.
