Ad-VANs ni Ante, nalunod Ginansi

June Forever

Pastilan, kaning akong pagka-tabian daghan mag mapalgan Kani man gong ningdagan unya namentaha, nanigurado daan Tiaw mo ba’g ni-ad-VANS ke sigurado ng kadaugan Unya karon ke niti-urok napildi - wa daw damha - unsaon na lang.

Ang mga limbarok nga supporters kunohay nahingangha Naapil ug kabalaka kadtong nag-middle-men sa mga prangkisa Kadto gud grabe maka-mustra murag gipaisan nga alugbati Nga tungod ke walay eligibility, mga motorcab gipang-remate.

Nan karon, kay ang inyong amo nasukamod ug nahagba na man Mura bag kadtong nadakin-as sa danlog nga kamo maoy hinungdan Unya kay ang mga saad sa ad-VANS nahurot na natikoy na man Pasumangil na lag luto-luto, vidyow-vidyow, wa ra bay mga hinungdan.

Kaluoy intawon sa mga ning-kagat sa ad-VANS nga gi-orugis ni ante Didto sa akong barberohan naghinoktok, nawong di ma-balanse Lupyak na kaayo ingon adtong sampot nga kabhang kaayog agi Ang ako ra gyung matambag, pailub lang paubos mga pre – MeReSi!