LGU IPIL MAGLUNSAD SA PALEnG-QR PH PLUS DIGITAL PAYMENT-INCENTIBO UG MAS MODERNONG SERBISYO ALANG SA TANANG NEGOSYANTE UG TODAs
IPIL, ZAMBOANGA SIBUGAY- Maglunsad ang Lokal nga Panggamhanan sa Ipil sa Paleng-QR Ph Plus Program karong Disyembre 11, 2025, usa ka programa nga gisugdan sa Bangko Sentral ng Pilipinas (BSP) ug DILG aron palapdan ang paggamit sa cashless o digital payment sa mga pampublikong merkado ug sa tricycle sector.
Gilauman nga pinaagi sa maong programa, mas mahimong sayon, luwas, ug hapsay ang mga transaksiyon tali sa market vendors, negosyante, ug tricycle drivers. Sa Disyembre 9–10, 2025, magpahigayon ang LGU Ipil ug BSP og Digital Financial Literacy with Account Opening & Onboarding alang sa Paleng-QR Ph Plus Program. Uban niini ang presensya sa BSP Area Director, GCash Regional Account Manager, ug giimbitar nga drivers association, market vendors ug store owners.Pagaablihan usab ngadto sa publiko ang account opening ug onboarding sa Ipil Municipal Building aron matabangan ang katawhan sa ilang account setup.
Sa Disyembre 11, 2025, pormal nga ilunsad ang Paleng-QR Ph Plus Program isip usa ka lakang sa Digitalization of Government Services Program usa ka lakang paingon sa pangandoy nga SMART City sa LGU Ipil.
ADVERTISEMENT
Resulta kini sa ordinansang giduso ni Hon. Alberto Alcoriza Jr. ug hiniusang gipaluyuhan sa mga SB Members, SK ug Barangay Affairs Chairpersons, ug giaprubahan ni Mayor Ramses Troy Olegario.
Gina-awhag sa LGU Ipil ang tanang market vendors, public transportation drivers, business establishments, sari-sari store owners ug ambulant vendors nga mo-adopt sa QR Ph Digital Payment. Tumong niini mao nga aron mas mapadali ang negosyo ug inadlaw-adlaw nga transaksiyon, mas episyente nga serbisyo sa gobyerno ug makadawat ug insentibo gikan sa LGU alang sa digital payment accounts.
Gina-awhag usab ang mga lungsuranon nga moapil sa Launching ug Registration karong Disyembre 11, aron mahimong kabahin sa dakong lihok sa Market Digitalization ug pag-modernize sa business transactions sa Ipil. Alang sa dugang impormasyon, mahimong mubisita sa Municipal Business Permit & Licensing Office.
