HIGHRISERS NAGPADAYON SA ILAHANG KAMPANYA SA PVL

Thata Manlapaz

Ipil, Zamboanga Sibugay- Sa nagpadayon nga Premier Volleyball League All-Filipino Conference 2026, klarong gipakita sa Galeries Tower Highrisers ang ilahang kusog human nilang napildi ang Capital1 Solar Spikers sa usa ka importante nga duwa.

Dili lang ordinaryo nga kadaugan ang nakuha sa Highrisers, apan usa ka dominanteng performance nga nagtugot kanila nga magpabilin pa sa kompetisyon o “stay alive” sa liga. Gikan sa sinugdanan sa duwa, kontrolado na sa Highrisers ang dagan sa match. Mas organisado ang ilahang opensa ug mas lig-on ang depensa hinungdan nga napugngan nila ang Solar Spikers sa pagbalik sa duwa.

Makita nga kusog ang ilahang attacks ug depensa ug klaro ang team coordination. Wala nila hatagi ug higayon ang ilahang kontra nga makabawi hinungdan sa sutoy nga kadaugan (straight sets) nga nagpamatuod sa ilahang kaandam sa play-in stage. Importante kini nga kadaugan alang sa Highrisers tungod kay nakapabilin sila sa torneo (survival match), napalambo nila ang ilahang morale isip team, naghatag kini ug oportunidad nga moabante pa sa sunod nga round. Samtang ang Solar Spikers, napugos ug atras human napildi, bisan pa sa ilahang paningkamot nga makigsangka.

Ang 2026 PVL All-Filipino Conference usa sa pinakadakong liga sa volleyball sa Pilipinas nga gisalmutan sa napulo ka teams ug ang dula gikan Enero hangtod Abril 2026. Sa kinatibuk-an, ang Highrisers nagpakita ug determinasyon ug kusog sa hustong panahon. Ang ilahang kadaugan batok sa Solar Spikers dili lang basta daug, kundili usa ka pamahayag nga andam silang makigbisog hangtod sa katapusan.